الملكي العضو المميز
عدد المساهمات : 36 تاريخ التسجيل : 25/08/2010 الموقع : العراق العمل/الترفيه : طالب ثانوية
| موضوع: نكات عراقية عالماشي الخميس سبتمبر 16, 2010 10:50 am | |
|
مصلاوي اشتره تلث برتقالات فتح الاولى لكاهه معفنه فتح الثانيه لكاهها معفنه طفه الضوه واكل الثالثه
ثلاثة ما ينامون الليل المديون والاعزب والمغازلجي... ثلاثة يسببون الإحباط المي و الكهرباء والبانزين.... ثلاثة الله يكون في عونهم أبو البنات والمطلقات واللي تخرب المولدة مالته.... ثلاثة صعب نتخلى عنهم الموبايل والسلاح والستلايت..... ثلاثة محتاجه واسطة الجوازات والتعيين الحكومي والسره بالمستشفيات..... ثلاثة يرفعون الضغط الملح والكوليسترول والوضع بالعراق
مصلاوي سأل ابوه شنو الفرق بين الشده والفرج؟ كلو الشده اذا جاك خطار والفرج اذا كان متغدي
مصلاوي شاف صاروخ بالجو... كال هذا اشكد يسوى؟ كالوله ملايين... كال يارب يوكع ابيتنا
فد يوم واحد وره ما خلص صلاة كال يا رب سوي روما عاصمة اليابان... امة كلتله ليش هذا الدعاء يا ابني كاللها موكتبت هيج بالامتحان
محشش طب على مقهى نت فميعرف على الحاسبة داس منا او جاب منا ميدري داس دكمة بالغلط جان يطلع مال سيدي رايتير كال خرب بعراضكم اليابانيين حتى اهنا تحطون نفاضه
واحد رجع للعراق بعد الغربه فأول منزل من الطائره خله الجنطه بالكاع ودنك ايبوس تراب الوطن رفع راسه ملكه الجنطه كال رجعنه لطيحان الحظ
حكمــة اليـــوم تگـــول:- إذا خدعك مره واحد فأنهُ محتال وإذا خدك مرتين فأنت قشمر
واحد محشش كاعد يحلق لحيته والتليفون رن .... شخط نفسه بالموس حتى ماينسى وين وصل
خبر عاجل .. الرئيس الامريكي جورج بوش يطالب بجدول زمني لانسحاب الشعب العراقي من العراق
عصبي فتح مطعم كتب بيه: اليحب يتفضل يتسمم خلي يجي يتزقنب والمسوي ريجيم يطبه مرض عساه لا اكل والميعجبه يجي خلياكل قزرقط ببيتهم...وناقص على عرضي اذا معزلته للمطعم وانعل ابوكم لابو اليفتح مطعم بعد
محشش طلبت منه المحكمة اوراق ثبوتية البيت جابلهم صورته ديغسل الكراج
طرق النساء في تنويم اطفالهن.. المصريه : نام يا حبيبي نام . السوريه : نام يبعتلك حمى . اللبنانيه : نام تقبرني . الاوربيه : سويت دريمز بيبي. العراقيه : عووووو اجا حرامي ياخذك انطمر الله يشيلك انت وابوك
حشرات المحافظات وخباثتها:: ذبان البصرة :ينتضر الواحد يحجي حتى يفوت بالحلك... بك ديالى: يهجمون تلاثة اثنين منهم يرفعون اللحاف و وحدة تفخخ... حرمس العمارة :وحدتهم تكول عبالك كاتل ابو.. صراصر بغداد : صارت بينهم وبين النعال صداقات وعلاقات حميمة... نمل ابو غريب:شكر او بدون شكر تلكاهم ملمومين... الجراد مال الربييعة:ياخذون خاوات من الفلاحين...كمل الموصل: ما يروح الي بعملية جراحية... ابو بريص الكوت: يضل يباوع عليك عبالك تعرفة من قبل هههههههههههه
| |
|
Admin Admin
عدد المساهمات : 121 تاريخ التسجيل : 16/08/2010 الموقع : العراق العمل/الترفيه : لاعب كرة قدم
| موضوع: رد: نكات عراقية عالماشي الجمعة سبتمبر 17, 2010 3:22 am | |
| مشكور على النكت ومنتضرين منك المزيد | |
|